December 4, 2021

EXCLUSIVE | Pula nga SUV, nakita nga naglabay kag nagkuha sang picture sa nagapondo nga salakyan ni Claire Diergos sa Inangayan, Sta Barbara antes siya nasapwan sang Oktubre 26

Read Time:1 Minute, 10 Second

ILOILO — May nakita nga pula nga sports utility vehicle (SUV) nga naglabay sa nagapondo nga salakyan ni Claire Diergos, antes siya nasapwan sa sulod sang iya Montero Sports sa Inangayan, Sta Barbara sang Oktubre 26.

Sa interview sang Aksyon Radyo news team kay alyas Nene, Oktubre 26 sang hapon, mga 30 minutos antes nasapwan ang bangkay ni Diergos, nakita niya ang pula nga SUV nga nagpondo sa isa ka lane sang karsada kag ginkuhaan sang picture ang Montero Sports rason nga nagtuga sang trapiko sa lugar.

Ginbanta ni Nene sa lima (5) tubtob 10 minutos ang tenir sang pula nga salakyan sa lugar antes naglakat. Oktubre 27, mga las 9 sang aga, nagbalik suno kay Nene ang pula nga SUV sa lugar pero nakuha na ang salakyan ni Claire.

Wala naman niya natutukan ang brand sang SUV.

Sa amo nga tiun, nakita ni Nene ang babaye kag lalaki sa sulod sang pula nga salakyan bangud clear suno sa iya ang kristal gani iya nahitsurahan. Pero ang babaye lang ang iya natutukan.

Suno kay Nene, malaba kag blonde ang buhok sang babaye kag fair complexion.

Ginpahayag niya nga makilala niya ang babaye kun makita niya liwat.

Halin sa Sta Barbara ang pula nga SUV kag nakuhaan ini ni Nene sang plate number sang hinay-hinay ini nga nag-U turn sa lugar kun sa diin gin-abandonar ang salakyan ni Diergos. — via BBB

Happy
Happy
0 %
Sad
Sad
50 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
50 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post PULSO PULITIKA | Davao City Mayor Sara Duterte, bag-o nga chairperson sang Lakas CMD
Next post Pag-inom sang makahulubog nga ilimnon sa mga pampubliko nga lugar sang mga fully vaccinated batok sa COVID-19, ginapahanugutan na sa Iloilo City