Pag-inom sang makahulubog nga ilimnon sa mga pampubliko nga lugar sang mga fully vaccinated batok sa COVID-19, ginapahanugutan na sa Iloilo City

ILOILO CITY — Ginapahanugutan na sa Iloilo City ang pag-inom sang makahulubog nga ilimnon sang mga fully vaccinated batok sa COVID-19 sa mga pampubliko nga lugar.

Mahimo naman makabakal sang makahulubog nga ilimnon anuman nga oras.

Suno kay Mayor Jerry Treñas, wala sang anuman nga mandate ang Inter Agency Task Force (IATF) angut sa public consumption sang mga makahulubog nga ilimnon, rason nga pahanugutan sang syudad apang dapat fully vaccinated ang mga mabakal kag ma-inom.

Ang mga establisyemento ang limitahan sa 50% capacity para sa indoor kag 70% capacity sa mga outdoor.

Ginpahayag sang alkalde nga ini agud nga maka-recover ang mga negosyo sa epekto sang COVID-19 pandemic.