December 4, 2021

SUV nga may plate number nga pareho sa nakit-an ni alias Nene nga ginasakyan sang nagkuha sang picture sa gin-abandonar nga salakyan ni Claire Diergos, natultulan sang Aksyon Radyo Iloilo

Read Time:52 Second

ILOILO — Natultulan sang Aksyon Radyo news team ang pula nga SUV nga may pareho nga plate number sa pula man nga SUV nga nakit-an ni alyas Nene nga ginasakyan sang duha ka tawo nga nagkuha sang litrato sa salakyan ni Claire Diergos nga gin-abandonar sa Brgy. Inangayan, Sta. Barbara, pila ka minutos antes nasapwan ang iya nga bangkay.

Ginpadulungan sang Aksyon Radyo ang ginsiling sang amay sang tag-iya sang SUV nga gina-obrahan sang nagagamit subong sang salakyan. Apang sang ginpakita sang team kay Nene ang picture sang salakyan, ginpahayag niya lain ang modelo sini sa salakyan nga iya nakita.

Clear ang windshield sang SUV nga iya nakita nga ginasakayan sang tawo nga nag-picture sa salakayan ni Diergos, samtang tinted naman ang nakit-an sang Aksyon Radyo. Daw kaangay man sa Honda CRV ang nakit-an ni Nene samtang Toyota naman ang nakit-an sang news team.

Dugang niya mas siri man ang pagkapula sang SUV nga iya nakita sang sa ginpakita sa iya sang Aksyon Radyo. – via Aksyon Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pagserbe sang makahulubog nga ilimnon sa mga fully vaccinated sa probinsiya sang iloilo, ginapahanugutan na
Next post Compliance team, padayon nga gina-check ang mga establishments nga nagaserbe sang makahulubog nga ilimnon sa Iloilo City