9pm – 4am curfew sa Iloilo province, nagapabilin pa suno kay IPPO Director PCOL Gilbert Gorero

ILOILO – Ginpahanumdom ni Iloilo Police Provincial Office Director PCOL Gilbert Gorero nga wala pa gindula ang curfew sa probinsya halin las-nueve sa gab-i tubtob las-kuwatro sa kaagahon.

Pahayag ini ni PCOL Gorero matapos nagpagguwa sang executive order si Governor Arthur Defensor, Jr. nga nagapahanugot na sang pag-inom sang alcoholic drinks, pero sa mga restaurants lang nga naga-operate sa 50% capacity kag para lang sa mga nakapabakuna sang COVID-19 vaccine.

“Ang curfew [sa Iloilo province] from 9 o’clock [pm] to 4 o-clock in the morning is not yet lifted. Meaning, kun may serving of liquor in a restaurant or allowed places, even if you are vaccinated, you have only until 9 o’clock,” suno kay Gorero. – via Aksyon Hotline