October 7, 2022

‘Ginatun-an pa’ | Pila ka tricycle drivers, nagsuhestyun nga dapat bakunado vs COVID-19 ang ila pasahero suno kay Councilor Romel Duron

Read Time:45 Second

ILOILO CITY – Ginproponer sang pila ka tricycle drivers sa Iloilo City nga dapat bakunado batuk sa COVID-19 ang ila pasahero.

Suno ini kay Councilor Romel Duron, chairman sang Committee on Transportation, sa committee hearing nga iya ginpatawag kahapon, Nobyembre 19.

Isa sa mga na-istoryahan suno sa konsehal ang vaccination status sa mga drivers sang tricycle kag depasahero nga jeep, kag nagguwa ang proposal nga dapat fully vaccinated ang mga pasahero, pero nagpamatok ang mga jeepney drivers bangud mabudlay ini mapatuman.

“Nag-propose sila sa tricycle, ang pasahero, indi nila pagpasakyon kun indi bakunado. Ang sa jeepneys, nag-object sila kay mabudlay kuno para sa ila,” suno sa konsehal.

Ginatun-an ni Duron ang suhestyun sang mga tricycle drivers kag padayon man ang iya konsultasyon sa mga concerned stakeholders.

Suno pa sa konsehal, importante gid ang pagpabakuna agud maproteksyunan ang kaugalingon kag ang pamilya batuk sa virus. –via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
100 %
Surprise
Surprise
0 %
Previous post 9pm – 4am curfew sa Iloilo province, nagapabilin pa suno kay IPPO Director PCOL Gilbert Gorero
Next post Alert Level System sa COVID-19, ipatuman sa bug-os nga pungsod umpisa Nobyembre 22 — DILG