Plastic barriers sa mga depasahero nga jeep, ibalik sang ICLAJODA agud ma-obserbar ang 70-percent seating capacity sang mga pasahero

ILOILO CITY — Nahisugtan sang mga chapter president sang Iloilo City Loop Alliance of Jeepney Operators and Drivers Association (ICLAJODA) nga ibalik ang mga plastic barriers sa mga depasahero nga jeep agud ma masunod ang 70% nga seating capacity sang mga pasahero.

Kasunod ini sang ginhimo nila nga meeting sang weekend, may kaangtanan sa kapasidad sang mga pasahero nga nagaskay sa mga jeep.

Suno kay ICLAJODA President Reymundo Parcon, kun isalig lang sa mga drivers ang pagpatuman sang ginapahanugutan nga kapasidad, indi gid istrikto nga masunod.

Kun butangan sang barriers suno sa iya, sigurado gid nga indi magginutok ang mga nagasakay sa mga jeep.

Ini ang pamaagi nga napinsaran sang asosasyon agud indi mapinahan ang mga operators kun maglapas sa pagsulundan ang mga drivers. — via Aksyon Farrah Mae Morano