Mga nagapamalibad magpabakuna batok sa COVID-19, dapat nga indi pagbatunon sa mga restaurants kag resorts — Pres. Duterte

Indi dapat pagbatunon sa mga public restaurants kag mga resorts ang mga nagapamalibad nga magpabakuna batok sa COVID-19, suno kay Pres. Rodrigo Duterte bangud makabig sila nga “threat.”

Ini ang ginpahayag sang Presidente sa iya nga talk to the people subong nga gab-i, kasunod sang pagpahanumdom niya sa publiko nga magpabakuna gid batok sa COVID-19.

Suno sa Presidente suportado niya ang mga restaurants nga delikado sa contamination sang publiko.

Ginpanugyan niya nga hambalan na lang ang mga indi gusto magpabakuna nga indi makakaon sa mga restaurants, nga sa higad sang dagat na lang magkaon.

” I support restaurants and all na delikado sa contamination sa public, you have my support, wag mo sila pakainin. Sabihan mo sila na kung ayaw magpabakuna at hindi tinanggap sa ibang restaurant, doon na lang kayo sa tabing dagat,” suno kay Pres. Duterte.

Nag-apelar man siya sa mga governors kag mga mayors nga dal-on ang ila mga constituents sa mga vaccination sites, ospitals, kag mga malls agud nga mapangbakunahan. | via RTVM