November 30, 2021

Police Corporal nga babaye sa Guimaras, ginreklamo sa Napolcom 6 ang iya higher official sa Guimaras PPO nga gin-alegar nagapangaluyag kag naga-pressure sa iya

Read Time:1 Minute, 7 Second

GUIMARAS – Nagdangop nga nagahilibion sa National Police Commission (Napolcom) 6 ang Police Corporal nga babaye agud ireklamo ang iya higher official sa Guimaras Police Provincial Office (GPPO) nga gin-alegar nagapangaluyag sa iya kag gina-pressure siya.

Ginkilala ni Napolcom 6 Director Joseph Celis ang ginareklamo kay Police Lieutenant Colonel Antonio Dizon nga deputy provincial director for administration sa GPPO.

Setyembre 1 sang nagdangop sa Napolcom 6 ang Police Corporal. Base sa alegasyon sang Police Corporal, suno kay Celis, ginapangaluyagan siya, ginapadal-an sang bulak kag tsokolate kag sang wala sang positive response, ginapatawag siya ni PLTCOL Dizon.

“Until such time nga daw wala na siya sang freedom of movement sang iya gusto kay dugay-dugay, ginapatawag siya,” suno kay Celis sa reklamo sang Police Corporal.

Kasado na suno kay Celis si PLTCOL Dizon kag nakalab-ut ini sa iya asawa, kag nag-text ang asawa sa Police Corporal sa diin ginabuyayaw siya kag ginayaguta. Ginapanindugan ni Celis nga wala man sang ginhimo ang Police Corporal nga “any indication nga interested siya” kay PLTCOL Dizon.

May formal charge na suno sa iya kag i-subject na sa summary hearing ang reklamo bangud sa oppression.

Nanginwala naman si PLTCOL Dizon, suno kay Celis sa reklamo batok sa iya. Ginakuhaan pa sang Aksyon Radyo Iloilo sang pahayag si PLTCOL Dizon. — via Aksyon Robert Pacardo

Happy
Happy
0 %
Sad
Sad
33 %
Excited
Excited
0 %
Sleepy
Sleepy
0 %
Angry
Angry
67 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga nagapamalibad magpabakuna batok sa COVID-19, dapat nga indi pagbatunon sa mga restaurants kag resorts — Pres. Duterte
Next post PLT COL Antonio Dizon, gin-relieve sa pwesto kasunod sang reklamo sang Police Corporal nga babaye sa Guimaras nga gina-pressure kag ginapangaluyagan sang opisyal