PLT COL Antonio Dizon, gin-relieve sa pwesto kasunod sang reklamo sang Police Corporal nga babaye sa Guimaras nga gina-pressure kag ginapangaluyagan sang opisyal
ILOILO CITY — Nag-issue sang administrative relief order si Regional Director 6 PBGEN Flynn E. Dongbo kay PLT. Col Antonio Dizon, deputy provincial director for administration sa Guimaras Police Provincial Office epektibo subong nga adlaw, Nobyembre 24.
Kasunod ini sang reklamo sang Police Corporal nga babaye sa National Police Commission (NAPOLCOM) 6 sa ginpahayag pag-pressure sa iya sang police official nga nagapangaluyag sa iya.
Base sa statement sang Regional Director, bukas ang Police Regional Office 6 sa kun ano ang kinahanglan nga suporta sang NAPOLCOM 6.Dugang niya, wala ginatolerar sang PRO 6 ang kapareho sini nga hitabo kag nagpasalig nga ipaagi ini sa due process.
Gin-assign si Dizon sa Regional Personnel Holding and Accounting Unit. — via Aksyon Angel Mae Ciudad