Task Force on Morals and Values Formation, nasiplatan nga nagatulod sang palyado nga service vehicle nga ila ginhulam agud maka-inspeksyon sa mga bars kag night clubs; Task Force, madugay na nga naga-request sang service vehicle
ILOILO CITY — Nasiplatan sang Aksyon Radyo Iloilo ang mga miyembro sang Task Force on Morals and Values Formation nga nagatulod sang palyado nga service vehicle nga ila ginagamit sa paglibot sa mga bars kag nightclubs sa syudad.
Apat ka mga miyembro sang Task Force ang ginpamalhas sa pagtulod sang service vehicle sa Muelley Loney. Pakadto na kuntani ang Task Force sa Smallville apang napatay ang makina sang ila salakyan.
Sa pagpangusisa sang Aksyon Radyo, nagalibot ang Task Force agud masigurado nga nagasunod sa guidelines ang mga bars kag nightclubs.
Ang salakyan ang palyado na kag ginhulam lang sang Task Force sa iban nga opisina, bangud tubtob subong, wala sila sa gihapon sang service vehicle.
Sang nagliligad nga mga binulan, ang Task Force ang nagasakay lang sa patrol sang pulis agud mahimo lang ang ila responsibilidad.
Nag-request naman ang Task Force sang ila nga service vehicle, apang tubtob subong, wala pa sila nahatagan.
Ang Task Force ang naga-enforce ang nagalibot sa syudad kada gab-i agud masiguro nga ginasunod sang mga establisyemento ang minimum health protocols. Sila man ang naga-enforce sang curfew for minors. — via Aksyon Jeremae Ventar