October 5, 2022

PLTCOL Antonio Dizon, nagdepensa sa mga akusasyon batok sa iya sang babaye nga Police Corporal nga gin-pressure niya matapos wala siya ginsapak sang ginpadal-an niya sang tsokolate kag bulak

Read Time:1 Minute, 27 Second

ILOILO CITY – May nahimo nga sala ang babaye nga police corporal nga nagreklamo sa Napolcom 6 batuk kay PLTCOL Antonio Dizon, ang Deputy Provincial Director for Administration sa Guimaras Police Provincial Office nga ginsaylo na sa Regional Personnel Holding and Accounting unit sa Kampo Delgado.

Paathag ini ni Dizon sa interview sang Aksyon Radyo Iloilo.Suno kay Dizon, Hulyo subong nga tuig sang may sala sa paper works nga ginpirmahan sang corporal.

“’Yong journal kasi na ‘yan, tatlong beses kasing namali, sunod-sunod within my watch. Kaya noong pangalawa na, nag-issue na ako ng DR na not following instruction which is equivalent to 10 hours of community service. Then ‘yong hindi pagsaludo…”

Gin-athag ni PLTCOL Dizon nga ginatudluan nila sang ensakto ang mga pulis.

“Sa tagal ko sa serbisyo, ‘yong pag-ko-correct ko ng documents, talagang nahasa na ng panahon [hanggang] umabot na ako sa rangko nag anito,” suno kay PLTCOL Dizon.Pero may recidivist gid suno sa iya, “palagi na lang ganoon, parang ayaw ng matuto.”

May record, suno kay Dizon, ang infraction sang corporal kag iban pa nga personnel. Gin-ako ni Dizon nga nakibot siya sang nakabaton sang notisya halin sa Napolcom nga may kaso nga grave misconduct kag conduct unbecoming batuk sa iya.

Ginpabutyag ni Dizon nga nasabat na niya sa Napolcom ang reklamo antes naglupok ang balita sang nagligad nga semana.

Una na ginkumpirmar ni Napolcom 6 Director Atty. Joseph Celis nga Setyembre 1, 2021 sang nagpadulong sa ila opisina ang corporal kag nagahilibiun nga nagsaysay nga ginpadal-an siya sang bulak kag tsokolate nga na-trace niya sa ulihi nga halin kay PLTCOL Dizon kag sang iya gin-refuse, masami na siya nga ‘ginapa-initan’ gani indi siya makaobra sang ensakto.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
100 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Task Force on Morals and Values Formation, nasiplatan nga nagatulod sang palyado nga service vehicle nga ila ginhulam agud maka-inspeksyon sa mga bars kag night clubs; Task Force, madugay na nga naga-request sang service vehicle
Next post SIT, may resource person na nga makabulig tudlo sa mga suspetsado sa pagpatay kay Claire Diergos