New COVID-19 variant, ginhingadlan nga Omicron sang WHO, gin-classify nga ‘variant of concern’
Ginhingadlan sang World Health Organization (WHO) nga Omicron ang bag-o nga COVID-19 variant kag gin-classify ini nga “variant of concern.”
Suno sa WHO, may madamo sang mutations ang variant nga una gintawag nga B.1.1.529 kag nagapa-increase sang reinfection risk.
Una nga gin-report sa South Africa sang Nobyembre 24 kag natukiban man ang presensya sa Botswana, Belgium, Hong Kong kag Israel.
Madamo na nga mga pungsod ang nagdesisyon nga dumilian ang pagbiyahe halin kag pakadto sa Southern Africa.
Ang mga travelers halin South Africa, Namibia, Zimbabwe, Botswana, Lesothokag Eswatini ang ginadumilian nga makasulod sa UK.
Nangin variant of concern ang isa ka variant kun ang mutation sini ang maga-apekto sa transmissibility, virulence ukon sa effectiveness sang vaccines.
Ginpahayag naman sang WHO nga magalawig sang isa ka semana antes mahanglan ang impact sang bag-o nga variant bangud ginatun-an pa ini sang mga scientists. — with reports from BBC