IATF Resolution 148-B nga naga-require sa mga on-site workers nga magpabakuna vs COVID-19, ipatuman sa Iloilo Provincial Capitol — Iloilo Gov. Arthur Defensor, Jr
ILOILO – Ipatuman sa Iloilo Provincial Capitol ang Resolution 148-B sang Inter-Agency Task Force (IATF) nga dapat fully vaccinated batok sa COVID-19 ang mga empleyado nga naga-trabaho on-site.
Suno kay Iloilo Governor Arthur Defensor Jr., “Kita nga empleyado sang gobyerno, nagaserbisyo kita sa publiko, maayo gid kun gaatubang kita sa aton mga kasimanwa – safe kita. Amo man na ang sa private sector.”
Base pa sa IATF Resolution 148-B, “Eligible employees who remain to be unvaccinated may not be terminated solely by reason thereof. However, they shall be required to undergo RT-PCR tests regularly at their own expense for purposes of on-site work.” “Maayo gid nga ang mga empleyado naton sa mga ulubrahan, indi man malikawan nga kun ulubrahaon gani, madamo tawo – maayo nga bakunado,” dugang pa sang gobernador.
Mas maayo man suno kay Defensor kun bakunado man batok sa COVID-19 ang mga naga-transaksyon sa kapitolyo ukon sa mga opisina sang government agencies.
Sa interview sang Aksyon Radyo Iloilo kay Governor Defensor: Aksyon Radyo Iloilo: So kun amo, just like sa [Iloilo] Provincial Capitol, it should be “no vaccine, no entry” na para sa mga capitol employees kun matabo, Governor Defensor?Gov. Defensor: “Yes. Yes that is correct. Ang aton nga ubra, it is in viewed with public interest. Te, halimbawa – ako, kun indi ako bakunado kag wala ako booster [shot] delikado ang tanan nga nagakadto sa opisina ko. Kapin pa nga waay nga daan kita naga-untat baton tawo, adlaw-adlaw gapang-atubang ako [sang] tawo. Te, mas maayo na ‘ya para sa ila nga kun magkadto sila sa gobernador, mas gamay ang risgo nila. Indi sila malatnan kag ang risgo nila sa tanan man nga empleyado nga agyan nila didto sa aton opisina.”
Dapat nga magpresentar sang vaccination card ang mga masulod sa kapitolyo. Base pa sa resolution sang IATF, ma-epekto ini sugod Disyembre 1, 2021.
IATF Resolution 148-B: https://mirror.officialgazette.gov.ph/…/20211111-IATF… — via Aksyon Firingline
