POLICE REPORT | 4 ka salakyan, nagkarambola bangud sa nagtabok nga kuring sa Arevalo
ILOILO CITY – Nagkarambola ang apat ka mga salakyan sa Brgy. Sto. Domingo, Arevalo kagab-i, bangud sa nagtabok nga kuring.
Suno kay Senior Master Sergeant Marlon Legaspi, traffic investigator, una nga nagpondo ang awto sang nakit-an sang driver ang kuring nga nagtabok.
Na-alang-alang naman ang nagasunod nga Isuzu Crosswind kabangdanan nga nakabunggo ini sa awto.
Nabungguan naman ang crosswind sang nagasunod nga duha ka mga motorsiklo. Bangud sang aksidente, nakaagum sang minor nga pilas sa tiil ang driver sang isa ka motorsiklo.
Nagdesisyon ang apat nga mag-aregluhanay na lang bangud kumpleto man sila sa papeles kag insurance.
