Report nga 16 ukon 17 ang napatay sa military operations sa Brgy. Alimodias, Miagao, gina-verify pa sang Phil. Army — MGen Benedict Arevalo, Commander sang 3rd ID

ILOILO — Gina-verify pa sang Philippine Army ang mga reports nga nabaton nila nga may 16 ukon 17 ka mga indibidwal ang napatay sa military operations sa Sitio Burak, Barangay Alimodias, Miagao, Iloilo kahapon sang aga, December 1.

Suno kay MGen. Benedict Arevalo, Commander sang 3rd Infantry Division sang Philippine Army, sa ila official record, na-recover nila ang walo ka mga bangkay sang ginapatihan nga mga miembro sang New People’s Army.

Gin-ako ni Arevalo nga mabudlay ang sitwasyon sa area bangud nga bukid kag posible nga may mga rebelde pa nga nakapalagyo.

May mga reports man, suno kay Arevalo, nga may 10 pa ka mga indibidwal nga napilasan.Nagapadayon ang clearing operations sang militar sa lugar.

Nagpasalamat naman ang Philippine Army sa publiko nga naghatag sa ila sang impormasyon sa hulag sang NPA.

Una na ginhambal ni Captain Kim Apitong, spokesman sang 3ID, nga natapna ang plano sang NPA nga magpang-atake bangud sa impormasyon nga ginhatag sang publiko.

Ginklaro ni Arevalo nga wala sang may napilasan sa mga suldado.

READ BACKGROUND STORY: https://bit.ly/3odglnr