January 25, 2022

7 bangkay sang ginapatihan NPA rebels, gindala sa punerarya sa Miagao

Read Time:1 Minute, 0 Second

ILOILO – Gindala na sa punerarya ang pito ka bangkay sang ginapatihan NPA rebels kasunod sang engkwentro sa Brgy. Alimodias, Miagao sang Disyembre 1.

Walo ka bangkay ang na-recover sa encounter site. Pero pito lang ang gindala sa Moleta Funeral Homes sa Brgy. Igtuba, Miagao kagab-i, Disyembre 2.

Suno kay Jeffry, personnel sang Moleta Funeral Homes nga upod sa nagkuha sang mga bangkay sa Alimodias, wala na gindala ang isa ka bangkay bangud wasak na ang mga parte sang lawas.

Ginkumpirmar ni Captain Roel Maglalang, chief sang Civil-Military Operations sang 301st Infantry Brigade sang Philippine Army nga ginlubong na lang sa bukid ang nabilin nga bangkay.

Una na ginkumpirmar ni MGen Benedict Arevalo, commander sang 3rd Infantry Division sang Philippine Army, nga naghimo sang operasyon ang militar kasunod sang impormasyon nga nabaton nga nagtipon ang ginabanta 70 ka rebelde agud planuhan ang ila himuon nga mga pag-atake may kaangtanan sa anibersaryo sang Communist Party of the Philippines sa Disyembre 26, kag preparahan ang ila extortion activities sa mga kandidato sang pala-abuton nga eleksyon.

Nag-request sang air support ang Army bangud madamo sang landmine sa encounter site, suno kay MGen Arevalo. –via Angel Mae Ciudad

Happy
Happy
67 %
Sad
Sad
33 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Mga persons of interest nga may kahilabtanan sa pagpatay kay Claire Diergos, wala pa nakaguwa sa Panay Island — SIT
Next post Mga ginatudlo NPA rebels nga napatay sa engkwentro sa Miagao, nakilala na