October 5, 2022

Iloy patay, amay pilason sang ginpangmartilyo sang 16-anyos nila nga bata sa Anini-y, Antique

Read Time:1 Minute, 0 Second

Antique — Patay ang iloy samtang pilason ang amay sang ginpangmartilyo sang ila 16-anyos nga bata nga lalaki sa Anini-y sang Sabado, Disyembre 4.

Suno kay Police Corporal Eleazar Amogis, imbestigador sang Anini-y Police Station, nasapwan sang lolo sang menor-de-edad, ang iloy nga duguon mga las 10 sang gab-i kag nakita man niya nga nagdalagan nga duguon ang iya umagad gani nag-report siya sa police. Duha lang sa ila balay ang iloy kag ang 16-anyos nga Grade 11 student.

Base sa pagpangusisa ni Amogis, ginabukot sang iloy ang iya bata kag gina-pressure nga magsabat sang modules gani ini ang ginapatihan rason nga nagtulod sa suspek agud martilyuhon ang iya iloy sang makapila ka beses.

Sunod nga ginmartilyo sang menor ang iya amay sang nag-abot halin sa trabaho. Gindala pa sa ospital ang iloy apang gindeklarar nga napatay bangud sang pilas sa ulo, samtang confined sa ospital ang amay.

Nagtuyo nga magpalagyo ang menor-de-edad dala ang ginabanta P14,000 nga kwarta sang iya ginikanan, apang nadakpan siya sa border control point kahapon sang aga, Disyembre 5.

Nagapabilin sa custody sang DSWD ang 16-anyos nga estudyante. — via BBB

Happy
Happy
0 %
Sad
Sad
100 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 45-anyos nga babaye, na-ospital sang natumbahan sang puno sang acacia ang ila balay sa Sta. Barbara
Next post 7 ka mga bangkay sang ginapatihan miyembro sang NPA nga napatay sa military operation sa Alimodias, Miagao, ginkilala sang ila mga pamilya