October 5, 2022

7 ka mga bangkay sang ginapatihan miyembro sang NPA nga napatay sa military operation sa Alimodias, Miagao, ginkilala sang ila mga pamilya

Read Time:1 Minute, 41 Second

Gin-identify na sang ila mga pamilya ang pito ka mga bangkay sang myembro sang New People’s Army nga napatay sa Military operation sa Alimodias, Miagao sang Disyembre 1.

Kasunod ini sang ginpadulongan sang mga pamilya ang gindala nga mga bangkay sa Moleta funeral homes sa Miagao.

Base sa record sang Miagao police, ang mga ginpang-identify amo sanday;

1. Eugene Estopido Talibo alyas Africk sang Barangay Indaluyon, Igbaras nga gin-identify sang iya amay.

2. Juveniel Sandig alyas Francis sang Barangay Langca, San Joaquin nga ginkilala sang iya nga iloy kag utod.

3. Roger Pedro alyas Lim/Gurang sang Barangay Osorio 1, San Remigio, Antique nga ginkilala sang iya iloy kag utod.

4. Liezel Tacuel alyas April/Jare sang Barangay Nagba, Tubungan nga ginkilala sang iya ginikanan.

5. Noli Sefulan Sernicula alyas Inday/ Jeboy sang Barangay Iglilico, San Joaquin nga gin-identify sang iya iloy.

6. Regine Lenterio sang Barangay Bad-as, San Joaquin nga una ginkilala kay Rica Nudgara alyas Amber/ Bebe sang Barangay Tigmalapad, Miag-ao pero gin-identify sang pamilya ang matuod nga ngalan.

7. Joseph Nedula Nueva nga una ginpangalanan kay Roque Nalang Ninto pero ginklaro sang pamilya ang matuod nga ngalan.

Una na nga gin-report sang Philippine Army nga siyam ang napatay kag nagpagwa man sang mga pangalan base sa ila mga sources, pero pito lang ka mga bangkay nga kompleto ang lawas ang gindala sa punerarya.

Gin-identify naman sang mga pamilya ang pito ka mga bangkay kag ginklaro ang matuod nga mga pangalan.

Gina-check pa kun buhi ukon patay ang duha pa gid ka mga pangalan nga gin-report sang Phil. Army nga sanday Leonard Taburete alyas Tatang sang Barangay Bikil, Tubungan kag gina-verify naman kun ginapang-iyahan gid man ni Gerly Tejeros alyas Elay sang Barangay Bagumbayan, Tigbauan ang tiil nga nakit-an sa lugar.

Nag-request naman ang pamilya ni Joven Ceralvo nga ipa-DNA ang tiil nga na-recover sa area agud masiguro kun ginapanag-iyahan gid man ni Ceralvo.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloy patay, amay pilason sang ginpangmartilyo sang 16-anyos nila nga bata sa Anini-y, Antique
Next post Iloilo City Mayor Jerry Treñas, ginkasubo ang indi pag-aprubar sang hagna para sa pagtukod sang Iloilo City Hospital