January 25, 2022

‘Daw panginmatyan gid ni Sharon Garin, ti ginpakuha na lang namon ang ngalan nga Uswag’ –Iloilo City Mayor Jerry Treñas sa bill ni Congresswoman Julienne Baronda nga magatukod sang Iloilo City Hospital

Read Time:1 Minute, 15 Second

ILOILO CITY – Gin-ako ni Mayor Jerry Treñas nga si AAMBIS-Owa Partylist Rep. Sharon Garin ang iya ginatumod sa iya Facebook post nga Congresswoman halin sa Partylist sa Iloilo province nga nag-oponer sa bill ni Congresswoman Julienne Baronda nga magatukod sang Iloilo City Hospital rason nga wala napasar sa third reading.

Suno kay Mayor Treñas, “Sang nagligad pa na nga semana, gina-‘objecan’ gid nila ang ngalan nga Uswag Iloilo City Hospital.”

Ginpaathag man, suno sa alkalde, ni Congresswoman Baronda nga generic ang Hiligaynon term nga Uswag.

“Ugaling, daw panginmatyan gid ni [Congresswoman] Sharon Garin, ti ginpakuha na lang namon ang ngalan nga Uswag,” ang pahayag sang alkalde.

Dugang ni Treñas, naaprubahan sa second reading ang bill kag third reading na kuntani kahapon, Disyembre 6, pero “nag-text si Sharon Garin nga deputy speaker nga indi lang anay kuno, next year na lang kay waay pa to siya sa Manila. Ti dapat hulaton gid siya. That’s the only reason [nga na-postpone ang third reading]. There is no more reason other than that. May kopya si Congresswoman Jamjam sang iya text.”

May counterpart bill na kuntani sa Senado ang House Bill ni Baronda, suno kay Mayor Treñas, nga ginduso nanday Senator Migz Zubiri kag Sen. Franklin Drilon.

Una na nga nagpaathag si Congresswoman Garin nga wala siya nag-object sa bill kundi ginsuhestyun lang kay Congresswoman Baronda nga indi lang pag-ibutang ang Uswag sa pangalan sang ospital bangud partylist kag political party ini. – via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ‘Waay gid ko nag-debate. Actually, I supported it’ –sabat ni AAMBIS-Owa Partylist Rep. Sharon Garin sa Facebook post ni Iloilo City Mayor Jerry Treñas nga may Congresswoman halin sa partylist sa Iloilo Provice nga nag-oponer sa bill nga magatukod sang Iloilo City Hospital gani wala na-aprubahan sa third reading sa Kamara
Next post 16-anyos nga solterito nga nagmartilyo sa iya ginikanan sa Anini-y, Antique, dal-on sa psychiatrist