‘Waay gid ko nag-debate. Actually, I supported it’ –sabat ni AAMBIS-Owa Partylist Rep. Sharon Garin sa Facebook post ni Iloilo City Mayor Jerry Treñas nga may Congresswoman halin sa partylist sa Iloilo Provice nga nag-oponer sa bill nga magatukod sang Iloilo City Hospital gani wala na-aprubahan sa third reading sa Kamara
ILOILO – Nagsabat si AAMBIS-Owa Partylist Rep. Sharon Garin sa Facebook post ni Iloilo City Mayor Jerry Treñas nga wala napasar sa third reading sa Kamara, “because of the opposition of a Congresswoman from a Party List coming from Iloilo Province.”
Bisan wala sang namitlang nga pangalan si Mayor Treñas, nagapati si Congresswoman Garin nga siya ang ginatumod sang alkalde.
Pero gin-athag sang kongresista nga wala siya nag-oponer sa hagna nga gin-author ni Iloilo City Lone District Rep. Julienne “Jamjam” Baronda.
“Pag-sponsor niya (Cong. Julienne Baronda), in the period of debates, waay gid ko na ya nag-debate. Actually I supported it. Ang call ko kay Jamjam at that time, before we even presented it sa House, siling ko ‘Jam, nami man tani indi lang Uswag [Hospital] kay bal-an ta man na nga that is the name of the partylist kag a political party. That’s not allowed by law.’ And she did the amendment on the floor,” suno kay Garin.
Gin-ilisan suno sa iya ni Congresswoman Baronda ang pangalan kag ginhimo ini nga Iloilo City Hospital halin sa Uswag Iloilo City Hospital.
Naaprubahan na sa second reading kag “going for the third reading” na ang hagna suno kay Garin.
Ginpa-athag ni Congresswoman Garin nga kinahanglan makakuha si Congresswoman Baronda sang 150 ka boto agud makapasar ang hagna sa third reading. “Amo na ang system sang Congress eh. It’s a vote by majority, indi nga a vote by one.”
Ginsulit ni Garin nga suportado niya ang bill ni Baronda, pero posible wala pa ginbasa sa third reading bangud “indi pa enough ang support sang iban nga congressman. Kinahanglan lang na nga… work on it lang until you get all the support of the congressmen and the leadership.” – via Aksyon Hotline