January 25, 2022

16-anyos nga solterito nga nagmartilyo sa iya ginikanan sa Anini-y, Antique, dal-on sa psychiatrist

Read Time:1 Minute, 0 Second

ANTIQUE — Dal-on subong nga adlaw, Disyembre 8, sa psychiatrist ang 16-anyos nga solterito nga nagmartilyo sa iya ginkinan sa Anini-y, agud nga ma-evaluate.

Sa subong yara sa custody sang Municipal Social Welfare and Development Office (MSWDO) sang Anini-y ang menor-de-edad, suno kay Cpl. Randolf Gomez, imbestigador sang Anini-y Police Station.

Estable naman ang amay sang solterito suno kay Gomez nga na-confine gihapon sa ospital. Samtang, ginahulat pa sang police ang autopsy result sa bangkay sang iloy agud mahibaluan kun pila kag kun diin gid nga parte sang iya lawas ang iya mga pilas.

Wala pa nakapangusisa ang kapulisan sang background sang menor-de-edad bangud indi pa nila ma-istorya ang iya nga amay.

Pero ginpahayag sang iya nga lolo nga hipuson siya kag indi mahilig mag-istorya bisan sa sulod sang ila nga balay. Gintuyo man nga istoryahon sang police ang menor-de-edad apang wala siya nagahambal kag nagaka-urungan lang.

Disyembre 4 sang gab-i sang ginpangmartilyo sang menor-de-edad ang iya ginikanan nga ginkamatay sang iya nga iloy. Posible nga na-depress ang solterito sa iya module sa eskwelahan base sa inisyal nga imbestigasyon sang police.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
100 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ‘Daw panginmatyan gid ni Sharon Garin, ti ginpakuha na lang namon ang ngalan nga Uswag’ –Iloilo City Mayor Jerry Treñas sa bill ni Congresswoman Julienne Baronda nga magatukod sang Iloilo City Hospital
Next post Army official, ginkwestyun ang pagkondenar sang Bayan Panay sa military operations batuk sa NPA sa Alimodias, Miagao