2 patay, 3 pilason sang nabungguan sang pick-up ang ila ginasakyan nga tricycle sa Dueñas
ILOILO–Patay ang driver sang tricycle, kag ang pasahero nga nagabusong sang pito ka bulan sang nabungguan sang kasugata nila nga pick-up ang ila ginasakyan sa Capuling, Dueñas kaina sang aga.
Ginkilala ang mga napatay kanday Loren Hautia, may pilas sa liug kag sa nagkalain-lain nga parte sang iya lawas kag ang nagabusong nga si Mel Pama.
Dead-on-the spot ang tricycle driver samtang napatay samtang ginabulong sa ospital ang nagabusong.
Pilason man ang tatlo pa nila ka mga upod nga kanday Darren Hautia, nagapungko sa likod sang driver; Jonathan Pama, bana ni Mel kag ang ila hinablos nga si Kenn Jude Pama nga lunsay ginpangdala sa ospital.
Suno kay Police Major Jose Rey Pabalan, hepe sang Dueñas Police Station, halin sa Jaro, Iloilo City ang pick-up nga ginamaneho ni Arvin Zerrudo kag pakadto kuntani sa Kalibo.
Nag-overtake sa ginsundan nga salakyan si Serudo, apang wala niya na-control ang iya salakyan rason sang pagbunggu-anay.
Magluwas sa tricycle nabungguan man sang pick-up ang wing van nga nagapundo sa kilid sang dalan.Detained sa Dueñas Police Station ang driver sang pick-up. — via Aksyon Angel Mae Ciudad