September 26, 2022

Mag-utod patay sang gintiro sang nagapapili SB member sa Ajuy, Iloilo; Suspect, nagpalagyo

Read Time:1 Minute, 0 Second

AJUY, ILOILO – Patay ang mag-utod nga sanday Edmund, 36-anyos, kag Ramon Articulo, 22-anyos, sang Brgy. Pili, Ajuy sang gintiro sang ila kasilingan nga nagapapili nga SB member sang banwa.

Natabu ang pagpangtiro pasado las-7 kagab-i, Disyembre 8. Ginkilala ang suspect kay Ronald Causing, 50-anyos, nga gilayon nga nagpalagyo.

Sa inisyal nga imbestigasyon ni PCpl Aaron Animas, imbestigador sang Ajuy Police Station, nagkadto ang mag-utod sa atubang sang balay ni Causing kag may pagbaisay nga natabo sa tunga sang mga biktima kag suspetsado.

Pareho nga nakainom ang mag-utod, suno kay Animas. Posible suno sa pulis nga wala nakapugong si Causing kabangdanan nga gintiro niya ang mag-utod.

Naigo si Ramon sa dughan, samtang si Edmund ang may tatlo ka igo sa duhan, lima sa tuhod, kag isa sa buli.

Gindala pa sila sa Sara District Hospital apang gindeklarar nga dead-on-arrival. Suno pa kay Animas, madugay na nga nagasuya-ay ang mga biktima kag ang suspetsado.

Na-recover sa area ang 10 ka basiyo sang 45 cal. pistol. Wala na-recover ang pusil nga gingamit sang suspect samtang nagapadayon pa ang hot pursuit operation sang kapulisan kay Causing. — via Aksyon Dave Bucayan

Happy
Happy
0 %
Sad
Sad
0 %
Excited
Excited
0 %
Sleepy
Sleepy
50 %
Angry
Angry
50 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Ginatudlo nga leader sang ‘Bolt Cutter Gang’ nga gin-subject sa entrapment operation bangud sa illegal nga pagpanag-iya sang pusil, nakuhaan sang suspected shabu
Next post Pavia SB Member Pyt Trimañez, madihon sang resolution agud ipanawagan sa SIT sang IPPO nga padasigon ang imbestigasyon sa pagpatay kay Claire Diergos