September 26, 2022

CHR 6, naka-coordinate na sa police kag Army may kaangtanan sa military operation sa Brgy. Alimodias, Miagao sang Disyembre 1

Read Time:1 Minute, 32 Second

ILOILO – Nakapakig-angut na ang Commission on Human Rights (CHR) 6 sa Philippine National Police kag Philippine Army may kaangtanan sa ginhimo nga military operation batuk sa New People’s Army sa Brgy. Alimodias, Miagao sang Disyembre 1, 2021.

Suno ini kay CHR 6 Atty. Jonnie Dabuco kasunod sang nabaton nga request sa pila ka grupo nga imbestigaran ang natabu.

“Wala pa gid man kami naka-conduct sang mas madalum nga imbestigasyon. Nag-coordinate lang kami anay sa police kag sa Philippine Army just to get some initial information regarding sa natabu sa Miagao,” suno kay Atty. Dabuco.

Ginklaro man ni Dabuco nga kun nagahimo sila sang imbestigasyon, “wala man automatic mahambal naton nga may sala na ang Philippine Army or sin-o man to ang nag-conduct sang operations. Ang aton lang, may mga allegations nga indi nagasantu sa rules of war ukon international humanitarian law… ti indi ta man ina masabat kun indi kita mag-conduct sang investigation.”

Wala suno sa iya sang problema kun magguwa sa imbestigasyon nga nagasantu sa International Humanitarian Law ang ginhimo nga military operation.

IBAN PA NGA IMBESTIGASYON

Gintawag ni Atty. Dabuco nga indi matuod nga naga-imbestigar lang sila kun may mapatay sa rebelde nga grupo.

“Ka damo kami sang mga kaso nga ginpang-imbestigar nga ang mga biktima, members sang Philippine Army, sang Philippine National police,” suno kay Dabuco.

Ginhalimbawa ni Dabuco ang pagpatay kay Cpl. Frederick Villasis nga gindala sang rebelde nga grupo sang Agosto 11 samtang padulong siya sa munisipyo sang Tapaz, Capiz pero nasapwan sang ulihi nga patay na, may tatlo ka pilas sang pagkatiro kag nabaklid ang duha ka kamot. “Gin-imbestigar namon to kag may rekomendasyon kami dira although wala pa na-deliver.”

May mabaskog nga ebidensya suno kay Dabuco nga may human rights violation sa natabu kay Villasis. – via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Pavia SB Member Pyt Trimañez, madihon sang resolution agud ipanawagan sa SIT sang IPPO nga padasigon ang imbestigasyon sa pagpatay kay Claire Diergos
Next post 67-anyos nga lalaki, ginbuntog sang magkal samtang nagakatulog sa Jaro