Bayanihan Bakunahan Part 2 sa Iloilo, gin-isol sa Dec. 20-22, 2021 suno kay Gov. Arthur Defensor, Jr.

ILOILO – Gin-isol ang ikaduha nga hugnat sang nationwide massive vaccination rollout batuk sa COVID-19 bangud sa bagyo nga nagapasulod sa Philippine Area of Responsibility.

Ginkumpirmar ni Gov. Arthur Defensor, Jr. nga imbes Disyembre 15-17, himuon ang Bayanihan Bakunahan Part 2 sa Disyembre 20-22, 2021.

Sa las-tres kaina sang kaagahon, Disyembre 14, nga bulletin sang PAGASA, ang Tropical Storm Rai (tawgon nga Odette kun makasulod na sa PAR) ang nasiplatan 1,380 km Nasidlangan sang Mindanao, dala ang hangin nga nagabaskog sang 85 kph kag pagmadlos tubtob 105 kph.

Nagahulag ang bagyo pa-Northwestward sa kadasigon nga 30 kph. – via Aksyon Hotline