2 pilason sang ginlagas kag ginkastigo sang magpamilya sa Brgy. Boulevard, Molo
ILOILO CITY — Pilason ang mag-abyan sang ginlagas kag ginkastigo sang magpamilya sa Brgy. Boulevard, Molo kagab-i, Disyembre 15.
May pilas sang pagkalabu sa kamot sa Noli Pedro, 44-anyos, samtang napilasan man sa ulo ang abyan niya nga si Claudio Espinosa, 42-anyso sang Brgy. San Pedro, Molo.
Suno kay Pedro, may kadtuan kuntani sila ni Espinosa sa Brgy. Boulevard sang ginlagas sila sang pamilya Lauron samtang nagapasulod pa lang sila sa barangay.
Gintudlo ni Pedro nga naglagas kag nagkastigo sa ila sanday Aaron Lauron, alyas Michael, Dodoy, Naldo, Jumbir, Pongchao, kag Toto.
Ginpahayag ni Pedro nga ginlagas siya ni Aaron kag ginlabu sang ginunting sa likod apang wala siya naigo.
Sunod siya nga ginlabu sa kamot kag iya ginsagang kabangdanan nga napilasan siya.
Pagpangimon ang ginalantaw nga rason sang ginamo. Ginpatawag pa sang kapulisan ang mga ginpangtudlo nga naglagas sa mga tagreklamo. — via Aksyon Dave Bucayan