October 7, 2022

PCG-Iloilo, wala sang may nabaton nga report nga may na-missing nga mangingisda kasunod sang paglaslas sang Bagyo Odette

Read Time:51 Second

ILOILO – Wala sang report nga nabaton ang Philippine Coast Guard- Iloilo nga may mangingisda nga na-missing kasunod sang paglaslas sang bagyo Odette sa Panay.

Suno kay PCG – Iloilo Station Commander Edison Diaz, nakapangaman ang mga mangingisda kag temprano nga nakapreparar antes nakasulod ang bagyo sa Panay gani wala sang may naalangan sa tunga sang lawod.

Pero may mga motorbancas suno sa iya, nga nadula sa San Joaquin, Iloilo sang gindala sang mabaskog nga balod bisan ginpahigad na sang mga tag-iya.

Padayon na nga ginapangita ang motorbancas. Magluwas sa Iloilo, wala man sang gin-report nga insidente sa tunga sang lawod ukon na-missing nga mangingisda sa iban nga probinsiya sa Western Visayas, base sa natipon nga impormasyon sang PCG.

Samtang, nagpanugyan si Diaz sa mga mangingisda nga panilagan anay ang sitwasyon sang panahon antes maglayag bisan wala sang weather disturbance bangud Habagat gihapon ang nagaapekto sa Western Visayas subong nga Disyembre.

Sa subong halos nakabalik na ang byahe sang mga barko sa mga ruta sa Iloilo.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City Government, posible nga maghatag sang cash assistance sa mga nagub-an sang balay bangud sa Bagyo Odette
Next post Oton Public Market, nasunog