Pila ka mga PSTMO personnel, wala nagapwesto sa ila mga areas of responsibility base sa reklamo nga nakalab-ut kay Iloilo City Mayor Jerry Treñas
Madamo sang reklamo nga nabaton si Iloilo City Mayor Jerry Treñas nga may mga miembro sang Public Safety and Transportation Management Office (PSTMO) nga wala nagapwesto sa ila areas of responsibility.
Ini ang ginpahibalo sang alkalde sa iya nga Facebook page.
Bangud sini, ginmanduan niya si Iloilo City Police Office (ICPO) Dir. Col. Leo Batiles nga maglibot sa siyudad agud panilagan kun sanday sin-o nga mga taga-PSTMO ang wala nagaplastar sa ila tagsa ka mga lugar.
Ginpahayag ni Treñas nga ipa-dismiss niya ang sin-o man nga wala nagatinir sa ila mga pwesto. | via Jerry Treñas FB page