September 26, 2022

9 ka tuig nga bata sa Alimodian, patay sang nakalampos ang ulo sa sementado nga karsada matapos nagkabit sa wing van kag naglumpat

Read Time:44 Second

ILOILO — Patay ang siyam ka tuig nga bata sang nagkabit sa wing van kag naglumpat sa Brgy. Binalud, Alimodian las-9 kahapon sang aga.

Suno kay Police Master Sergeant Michael Alingalan, imbestigador sang Alimodian Municipal Police Station, nagtaklad sa Brgy. Binalud ang wing van nga ginamaneho ni Marvin Dacles, 37-anyos agud mag-deliver sang feeds.

Padulhog na kuntani ang van sang may nagkabit nga bata sa likod kag wala nakahibalo ang driver.

Base sa imbestigasyon sang pulis, gulpi lang naglumpat ang bata kag nakalampos ang ulo sa sementado nga karsada.

Gindala sa ospital ang bata, pero gindeklarar nga dead-on-arrival.

Ginpangita naman sang pulis ang nagapanag-iya sang van agud ipabalo ang natabo.

Pagkahapon, nag-surrender ang driver kag gin-detain sa police station.

Nag-aregluhanay ang pamilya sang bata kag ang tag-iya sang van nga nagpasalig man nga mabulig sa pagpalubong sa bata.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City, ginpaidalum sa state of calamity bangud sa epekto sang Bagyo Odette
Next post 18-anyos nga lalaki, patay sang nabun-an sa Jaro sang Christmas eve