September 26, 2022

Pulis, patay sa accidental firing sa Lapuz

Read Time:49 Second

ILOILO CITY — Patay ang pulis nga naigo sang bala sang naglupok ang iya pusil sa Barangay Alalasan, Lapuz kagab-i, Disyembre 25.

Gindala pa sa ospital si Police Staff Sergeant Jerry Bayabay apang gindeklarar nga napatay bangud sang pilas sa ulo.

Si Bayabay ang assigned sa Iloilo Police Provincial Office (IPPO).

Suno sa kasilingan nga si alyas Nonoy, may nakita siya nga dugo sa ulo sang pulis sang nagbulig siya karga para madala sa ospital.

Nagpangayo suno sa iya sang bulig ang asawa sang pulis rason nga nagguwa siya sa iya balay kag nakita niya nga duguon ang pulis.

Suno naman kay Police Major Jose Val Ladublan sang La Paz Police Station, accidental firing ang gintunaan sang insidente base sa ila pagpangusisa.

Nahibaluan nga nakasandad ang pulis sang nagsaka siya sa ibabaw sang ila balay gani posible nahulog ang iya pusil kag naglupok.

Ipa-autopsy, suno kay Ladublan, ang bangkay sang pulis agud madula ang pagduda sang pamilya nga may foul play sa natabu.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 18-anyos nga lalaki, patay sang nabun-an sa Jaro sang Christmas eve
Next post Pagselebrar sang paskwa sa Western Visayas, ‘generally peaceful’; Crime incidents sa Rehiyon 6 nga na-record halin Disyembre 16-24, 2021, nagnubo