Local Public Transport Route Plan sang Iloilo City, ginalauman nga makabulig decongest sang trapiko –Councilor Romel Duron
ILOILO CITY – Dako ang mabulig sa pagpatuman sang Local Public Transport Route Plan agud mahagan-hagan ang pagpugok sang trapiko sa syudad.
Suno ini kay Councilor Romel Duron, chairman sang Committee on Transportation, kasunod sang impormasyon nga na-aprubahan na ang LPTRP kag inug-submit na lang sa City Council agud ma-adoptar kag mahimuan sang ordinansa.
“Siguro by next month, January, ma-aprubahan na naton ang Local Public Transport Route Plan by means of an ordinance… makabulig gid [ini solbar] sa [traffic] congestion kay ti imagine from 2,600 jeepneys, nahimo na lang sila nga 2,221 ang approved nga franchise,” suno kay Councilor Duron.
Sa LPTRP, may mga ruta nga ginbuhinan, “pero pareho gihapon ang number of units” suno kay Duron.
Ginbuhinan man ang mga overlapping nga ruta suno sa konsehal.
Kun mapatuman na ang LPTRP, obserbahan ini sang anum ka bulan pagkatapos sang full implementation.
Pwede man, suno kay Duron, ma-amendaran kun may ordinansa na sa LPTRP pananglitan nga may may ipatuman nga alternative routes ang City Government. – via Aksyon Hotline