Pagselebrar sang paskwa sa Western Visayas, ‘generally peaceful’; Crime incidents sa Rehiyon 6 nga na-record halin Disyembre 16-24, 2021, nagnubo
ILOILO CITY – Nagnubo ang na-record nga crime incidents sa bug-os nga Western Visayas halin Disyembre 16 tubtob 24 subong nga tuig.
Ini suno sa Police Regional Office (PRO) 6 bangud 472 ka crime incidents ang na-record sa amo nga period kag mas manubo sa 568 ka insidente sang nagligad nga tuig sa kasubong nga period.
Wala man suno sa PRO6 sang insidente nga na-record nga maangot sa Simbang Gabi kag sa pangkabug-usan, nangin malinong ang selebrasyon sang Paskuwa sa Region 6.
Ginatudlo rason sang PRO 6 ang “timely general assessment and strategic deployment of PNP personnel by the Unit Commanders.”
Madamo nga police ang gin-deploy sa nagkalain-lain nga lugar nga ginatipunan sang mga tawo pareho sang simbahan, malls, mga merkado, terminals, kag iban pa.
Daku man ang nabulig nga suporta sang force multipliers, barangay officials kag Local Government Units para sa katawhay kag kalinong. –via PRO 6