September 26, 2022

27-anyos nga lalaki, patay sang ginbuno sang iya amay sa Alimodian; Suspek, nag-surrender sa pulis

Read Time:1 Minute, 2 Second

ILOILO — Patay ang 27-anyos nga lalaki sang ginbuno sang iya amay sa Brgy. Baguingin-Lanot, Alimodian la-1 kahapon sang kaagahon.

Suno kay PMSG Michael Alingalan, imbestigador sang Alimodian Police Station, gintawag ang biktima nga si Archie Caguilla agud nga magbulig kuntani sa pagpamutos sang pahu sa ila nga balay sang nag-abot ang iya amay nga ginkilala kay Nestor Camitan, 55-anyos nga naka-inom sang makahulubog nga ilimnon, gin-akigan kag gin-garit garit ang biktima.

May nagluntad nga pagbaisay sa tunga sang mag-amay tubtob nga nagsumbaganay kag ginbuno sang amay ang iya bata nga naigo sa dughan.Ginhingagaw dala sa ospital ang biktima apang gindeklarar nga napatay.

Nag-surrender sa police pasado las-7 kagab-i, ang amay.

Ini ang ginkumpirmar ni Police Staff Sgt. Vivian Alingalan sang Women and Children Protection Desk sang Alimodian Municipal Police Station.

Ginpahayag sang amay nga gin-unahan siya sumbag sang iya bata kabangdanan nga iya ginbuno.

Indi man tuyo kuntani sang suspect nga patyon ang biktima, suno kay Alingalan. Na-recover naman ang kitchen knife nga gingamit sang suspetsado.

Gin-athag naman sang police nga indi kasado ang ginikanan sang biktima kabangdanan nga apelyido pa sang iya nga iloy ang iya nga ginadala.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 2 ka lalaki, nagreklamo nga ginhurikap sang lalaki nga nagpakilala nga pulis sa bar sa Mandurriao
Next post ‘No COVID-19 vaccine booster, no entry” policy, ipatuman sa Iloilo City Hall