September 26, 2022

Iloilo City Mayor Jerry Treñas, naghingyo sa publiko nga ipaiway ang face-to-face gatherings nga indi kaupod sa sulod sang balay bangud sa Omicron variant

Read Time:52 Second

ILOILO CITY – Ginhaylo ni Iloilo City Mayor Jerry Treñas ang publiko nga untaton anay ang face-to-face gatherings sa mga tawo nga indi kaupod sa sulod sang balay.

Ginhimo niya ang pahayag bangud sa pamahog sang Omicron variant sang COVID-19 kag pagpasaka sa Alert Level 3 sa status sang National Capital Region (NCR) bangud man sa amat-amat nga pagdamo sang kaso sang COVID-19.

Suno kay Treñas, “I am asking everyone to stop face-to-face gatherings with persons not from the same household in the meantime while we are on the alert for cases of the Omicron variant.”

Kinahanglan suno sa alkalde nga proteksyunan ang kaugalingon kag pamilya batok sa virus.

Kaangut sini, ginkanselar man sang alkalde ang face-to-face flag ceremony subong nga adlaw, Enero 3, bangud sa nasambit nga variant.

Dapat man suno sa iya nga mangin proactive bisan wala pa sang kaso sang Omicron variant sa siyudad. Napaidalom ang Iloilo City sa COVID-19 Alert Level 2 tubtob sa Enero 15. –via Jerry Treñas FB page

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Ginakabig nga ‘gabunan’ nga kawatan sa Iloilo City, nadakpan sa Capiz
Next post Ilonggo one-legged triathlete Rodolfo “Rudy” Fernandez, napatay sa edad nga 75