Pila ka provincial directors sa Western Visayas, gin-reshuffle sang PRO6; IPPO Director PCOL Gilbert Gorero, nalakip sa mga gin-relieve
Nagpatuman sang pagbalasa ang police regional office 6 sa mga provincial directors sa western Visayas epektibo kahapon, Enero 8.Nalakip sa pagbalasa si Iloilo Police Provincial Office (IPPO) Director PCOL Gilbert Gorero.
Sa impormasyon nga ginpadala ni PRO 6 spokesperson PLTCOL Arnel Solis sa mga katapo sang media, magabulos nga acting IPPO Director si PCOL Adrian Acollador.
Gin-relieve man nga provincial director sang Negros Occidental Police Provincial Office si PCOL Romy Palgue kag pagabuslan ni PCOL Leo Pagamitan.
Mangin acting Provincial Director man sang Guimaras Police Provincial Office (GPPO) si PCOL Richard Baluis tal-us kay PCOL Pablito Asmod, Jr, samtang magaserbe nga acting Provincial Director sang Antique Police Provincial Office si PCOL Alexander Mariano tal-us kay PCOL Roy Parena.
‘SORRY, I LOVE YOU and THANK YOU’
Sa iya ginpadala nga text message sa mga katapo sang media, ginpasalamatan ni PCOL Gilbert Gorero ang mga nagsuporta kag nagsalig sa iya bilang Provincial Director sang IPPO.
Suno sa iya, resulta sang nationwide reshuffling ang pag-relieve sa iya base man sa mandu ni Philippine National Police chief, PGEN Dionardo Carlos sa pagsugod sang election period.
Ginpahayag ni Gorero nga indi mangin makahulugan ang pagpangalagad niya bilang IPPO Director kun wala sang kooperasyon sang tanan.
Yari ang kabahin sang text message ni PCOL Gorero:
“Good morning everyone.
Let me grab this opportunity to express my special thanks to all [of] you. My transfer to PRO6, RHQ is the result of reshuffling nationwide as ordered by CPNP at the start of election period. My stint as PD, IPPO is not meaningful without everyone’s cooperation. I am forever grateful of your support to the Home of Ilonggo Cops. But saying thank you is not enough, let me further voice out this unique words: “Sorry, I Love you and Thank you!” Am so sorry for my shortcoming, inconveniency and not all the time available for interview.”