Opening Salvo sang Dinagyang 2022, hiwaton sa Biernes, Enero 14
ILOILO CITY — Hiwaton sa Enero 14 ang Opening Salvo sang Dinagyang 2022.Suno kay Ms. Joyce Clavecillas sang Iloilo Festivals Foundation Incorporated, matan-aw ang Opening Salvo online paagi sa official Facebook page sang Iloilo Dinagyang.
Ginpahayag naman ni Mr. Gab Umadhay nga sa Opening Salvo may mga drummers halin sa mga barangay-based tribes nga ma-caravan sa bilog nga syudad agud mabatyagan ang Dinagyang.
May malip-ot man nga program sa diin ipakita online ang official trailer sang tribes performance.
Subong nga Dinagyang, pito ka mga tribu nga nagarepresentar sang pito ka mga Ilonggo Values sang kada distrito, ang mapasundayag.