January 25, 2022

Former San Dionisio Mayor Peter Paul Lopez, iya asawa kag 2 ka kabataan, namitlangan sa judicial affidavit sang isa sa mga testigo nga nag-park malapit sa salakyan ni Claire Diergos sa Brgy. Inangayan, Sta. Barbara sang Oktubre 26, 2021, pila ka oras antes nasapwan ang bangkay ni Diergos

Read Time:1 Minute, 33 Second

ILOILO — Ginsaysay sang isa sa mga testigo sa kaso nga pagpatay kay Claire Diergos ang iya nakita antes nasapwan ang bangkay sang biktima sa gin-abandonar nga salakyan sa Brgy. Inangayan, Sta. Barbara sang Oktubre 26, 2021.

Nakabutang sa judicial affidavit sang amo nga testigo base sa kopya nga nakuha sang Aksyon Radyo Iloilo halin sa Iloilo Provincial Prosecutor’s Office nga samtang nagasakay siya sa motorsiklo las 4:50 sang aga sang Oktubre 25, 2021 sa Brgy. Inangayan kaupod ang iya iloy nakita niya ang isa ka babaye kag lalaki nga nagpanaug sa Pajero nga naka-park sa atubang sang Iloilo Provincial Equipment Pool Division nga nagtupong sa naga-park nga Montero Sport nga salakyan ni Diergos.

Suno sa testigo, naga-andar pa ang hazard light sang Pajero kag nagbutang pa sang warning device sa karsada ang sakay nga babaye. Nakita niya nga nagabaisay kag nagasinggitanay ang babaye kag lalaki nga sakay sang Pajero.

Gin-athag sang testigo nga indi niya personal nga kilala ang babaye kag lalaki nga nagpanaug sa salakyan.

Pero na-identify niya sanday Peter Paul Lopez kag Sally Lopez nga amo ang mga sakay matapos may ginpakita nga madamo nga pictures ang mga pulis.

Pero pagbalik nila sang iya iloy las 5:40 tubtob las 5:50 sang aga sang amo man nga adlaw halin sa merkado, wala niya na nakita ang Pajero pero may naka-park naman nga pula nga salakyan sa likod sang salakyan ni Diergos.

Ginbuksan sang driver ang pwertahan sang salakyan rason nga nagpondo siya para indi mabungguan.

Nakita niya sa sulod sang pula nga salakyan ang duha ka lalaki. Nagpanaug ang mga lalaki kag naglingling sa bintana sang salakyan ni Diergos.

Indi pa niya kilala una ang duha ka lalaki pero na-identify niya nga sanday Felix Paul kag Carlos Paul Lopez sang may ginpakita nga pictures ang mga pulis.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
100 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ADVISORY | Pagbakal sang paracetamol kag iban pa nga bulong sa trangkaso, ginlimitahan sang DOH kag DTI
Next post Timbang ni Claire Diergos nga si Rudelyn Sumbong, handa nga atubangon ang kaso nga ginpasaka sa iya may kaangtanan sa pagkapatay sang iya amo; Timbang, ginapanginwala ang kahilabtanan sa krimen