Timbang ni Claire Diergos nga si Rudelyn Sumbong, handa nga atubangon ang kaso nga ginpasaka sa iya may kaangtanan sa pagkapatay sang iya amo; Timbang, ginapanginwala ang kahilabtanan sa krimen

Handa ang timbang ni Claire Diergos nga si Rudelyn Sumbong nga atubangon ang kaso may kaangtanan sa pagkapatay sang iya amo.

Si Diergos ang babaye nga nasapwan patay sa sulod sang gin-abandonar nga salakyan sa Brgy. Inangayan, Sta Barbara sang Oktubre 26, 2021.

Enero 5 sang gin-file ang criminal complaint sa provincial prosecutor’s office sa pulo ka mga indibidwal nga ginapatihan may kahilabtanan sa krimen, kag lakip diri si Sumbong.

Suno kay Sumbong, nagaproblema siya subong bangud wala pa siya sang abogado, ilabe pa nga inosente siya sa amo nga kaso.Ginpabutyag niya nga sang Oktubre 24, ginsugat siya ni Diergos sa tagbak terminal sa Jaro kag nagdiretso sa Oton agud magpanyapon, upod sa abyan ni Diergos.

Pagka-gab-i, luyag kun tani ni Sumbong siraduhan ang pwertahan, ugaling naghambal si Diergos nga siya lang ang masirado.

Ginapanindugan sang timbang nga wala siya sang may nabatyagan nga nagakatabo sa amo nga gab-i, kag pagka-aga, natingala na lang siya nga ginapangita na sang iya nga bata si Diergos.

Una na nga nagpabutyag si Sumbong nga handa siya magkooperar sa ginahimo nga imbestigasyon sang pulis may kaangtanan sa krimen.

Pero kun wala siya sang may nahibaluan, indi man siya makahatag ukon makatudlo sa identity sang mga suspetsado.

About Post Author

Jo Gelloagan-Maque

jomaque@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

1 50 %

Excited

0 0 %

Sleepy

0 0 %

Angry

1 50 %

Surprise

0 0 %