May 28, 2022

24-anyos nga babaye nga nagtuyo magpauli sa Capiz sang nahibaluan nga nagpositibo siya sa COVID-19, nadakpan sang Iloilo City COVID Team

Read Time:40 Second

ILOILO CITY — Napunggan sang City COVID Team ang 24-anyos nga babaye nga nagtuyo magpauli sa Roxas City, Capiz sang nahibaluan nga nagpositibo siya sa COVID-19.

Suno kay City COVID team spokesperson Jeck Conlu, naabtan sang team ang pasyente sa Ceres terminal sa Buhang, Jaro kaina sang aga.

Ginpahayag ni Conlu nga nagatrabaho sa siyudad sang Iloilo ang babaye. May ubo kag hilanat ang babaye rason nga gin-swab siya kag kaina sang aga, nagguwa nga positibo ang resulta.

Ginpahibalo gilayon suno sa iya ang pasyente nga nagpositibo siya sa COVID-19, apang sang gintawgan siya, indi na ma-contact gani ginpabantayan sa COVID Team tubtob nahibaluan nga yara siya sa Ceres Terminal.

Gindala na sa quarantine facility ang pasyente suno kay Conlu. Nagapadayon naman ang contact tracing sang COVID team.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga tul-an sang tawo, nakutkutan sa Barotac Nuevo
Next post ‘No Booster, No Entry’, ginapatuman na sa Iloilo City Hall sugod subong nga adlaw, Enero 17