May 28, 2022

EXCLUSIVE | Alyas toto nga testigo sa Claire Diergos case, nagsaysay sang iya nakita sang Oktubre 25, 2021

Read Time:1 Minute, 23 Second

ILOILO – Ginpanindugan ni alyas Toto, isa sa mga testigo sa Claire Diergos Case, ang kaundan sang iya judicial affidavit may kaangtanan sa iya nakita sang nakalabay siya sa balay ni Diergos sa Deca Homes sa Pavia sang Oktubre 25, 2021 sang kaagahon.

Suno kay Toto, mga las-4:20 sang kaagahon sang nakita niya ang duha ka lalaki nga nagapagguwa sa balay ni Diergos, “may ginahakwat nga isa ka mabug-at nga bagay kag ginkarga sa nalikod sang driver’s seat sang Montero Sport… Pagtapos nila karga, dali-dali sila nagsakay sa Montero Sport kag nagguwa sa subdivision. Kag pagkatapos, may nakita ko nga isa ka babaye nga chubby kag laba ang buhok nga nagsirado sang mayor nga gate sang balay, kag nagasiga sa sulod.”

Gin-athag ni Toto nga indi siya sigurado nga bangkay ni Diergos ang ginatuwangan, pero sa iya pagbanta, mga 5’5 ang kalabaun sang mabug-at nga bagay. Nahibaluan niya lang ang krimen sang nabatian sa mga balita.

Gin-identify ni Toto ang iya mga nakita kanday Raffy Sorioso, Gardo Ibrahim kag ang timbang ni Diergos nga si Rudelyn Sumbong. Suno kay Toto, nakilala niya ang tatlo base sa mga litrato nga ginpakita sa iya sang police sang Oktubre 30, 2021.

Ginlaragway ni Toto si Sorioso nga mga 5’4 tubtob 5’5 ang kataason, mabukod, kag nakasuksok sang itom nga bayo kag dilargo. Si Ibrahim naman suno sa iya ang ginabanta 5’4 ang kataason kag mga 40s ang edad.

Ginpabutyag ni Toto nga siya ang nagkadto sa police kag nagsugid sang iya nakita. “Nagtulod sa akon nga bisan gamay lang, makabulig ako sa akon nasaksihan kay nakonsensya ako.” — via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Opisina sang Comelec, naka-lockdown kasunod sang pagpositibo sa COVID-19 sang 9 ka personnel
Next post Patay nga lapsag, nasapwan sa kilid sang baybay sa Miagao