Opisina sang Comelec, naka-lockdown kasunod sang pagpositibo sa COVID-19 sang 9 ka personnel
ILOILO CITY – Ginpaidalom sa lockdown ang opisina sang Comelec- Iloilo City kasunod sang pagpositibo sa COVID-19 sang siyam nila ka mga personnel.
Ini ang ginkumpirmar ni Mr. Jonathan Sayno, Election Assistant II sang Comelec Iloilo City bangud may himuon nga disinfection.
Suno sa iya, assymptomatic ang mga personnel nga lunsay mga fully vaccinated kag natublukan naman sang booster dose batok sa COVID-19.
Sang weekend, natukiban ang pagpositibo sang mga personnel sa COVID-19 kag naga-quarantine na.
Mabalik suno kay Sayno, ang ila normal operation sa Enero 20, 2022.