Patay nga lapsag, nasapwan sa kilid sang baybay sa Miagao
ILOILO — Nasapwan sang mga pumuluyo ang patay nga lapsag nga lalaki sa kilid sang baybay sa Barangay Maringyan, Miagao, las-7:10 kaina sang aga.
Nakita ni Barangay Tanod Hilario Balsis ang lapsag kag gilayon nga gin-report sa Miagao Police Station.
Suno kay Police Captain Marvin Buenavista sang Miagao Police Station, gindala ang lapsag sa Rural Health Unit sang barangay agud ipa-check kun pila ang iya edad.
Suno sa doktor, ginabanta sa 1 tubtob tatlo ka adlaw pa lang ang lapsag.
Dugang pa ni Buenavista, nakita ni Hilario ang lapsag nga naga-utaw utaw kag ginaguyod pahigad sang ido.
Gina-imbestigaran sang Miagao Police kun sin-o ang nagbilin sang lapsag sa higad sang baybay. — via Aksyon Jil Caceres