PSTMO, untaton ang paggamit ukon kakason ang ila sirens kag blinkers sa mga motor vehicles samtang wala pa sang pahanugot halin sa LTO Central Office — LTO6

ILOILO CITY – Untaton anay sang taga-Public Safety and Transportation Management Office (PSTMO) ang paggamit sang siren kag blinkers sa ila mga motor vehicles nga wala na-specify sa Presidential Decree No. 96 kag Republic Act No. 4136 nga pwede makagamit sini.

Ini ang ginpahayag ni Land Transportation Office (LTO) 6 Assistant Regional Director Atty. Gaudioso Geduspan samtang wala pa sang approval halin sa LTO Central Office. Ang matabo suno kay Geduspan, i-recommend nila sa LTO Central Office ang application sang mga Local Government Units (LGUs) sa ila mga motor vehicles nga patakdan sang siren kag blinkers.

Suno kay Geduspan bilang kabahin sang rekomendasyon, “lantawon naton or i-inspect naton diri sa [LTO] regional level o sa local nga level kun this will be classified as an emergency vehicles under the context sang RA 4136.”

“In the meantime ang ila nga mga emergency vehicles nga waay na-classify under sa PD 96 or sa RA 4136, i-untaton anay nila ang pag-usar sang blinkers kag mga sirens nila or mga horns which create a startling sounds,” dugang ni Geduspan.

Kun puwede suno sa iya nga makakas nga indi makatuga sang damage sa ginatakdan nga motor vehicles, posible nga himuon sang PSTMO.

Base sa PD 96, kag RA 4136, wala nalakip ang PSTMO sa mga puwede makatod sang sirens kag blinkers para sa ila motor vehicles.

About Post Author

Jo Gelloagan-Maque

jomaque@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %