7 ka tribu, mapasundayag sa highlight sang Iloilo Dinagyang Digital 2022 subong nga adlaw
ILOILO CITY — Pito (7) ka mga tribu ang mapasundayag para sa highlight sang Iloilo Dinagyang Digital 2022 subong nga adlaw.
Suno kay Mr. Eric Divinagracia sang Iloilo Festivals Foundation Incorporated (IFFI), indi pareho sang nagligad nga tuig, ang main event sang Dinagyang ang mangin kompetisyon na liwat.
Igapresentar sang pito ka tribu ang pamatasan sang mga Ilonggos nga nagapakita sang resilience sang Iloilo sa tunga sang COVID-19 pandemic.
Ang pito ka tribu kag ang Ilonggo values nga ila ipakita amo ang:
Tribu Arevalo – Pagsinadya (Celebration)
Tribu Molo – Pag-amliganay (Nurturing)
Tribu City Proper – Paghigugma (Love)
Tribu Mandurriao – Pagpahanggud (Growth, Development)
Tribu Jaro – Pagtililipon – (Gathering)
Tribu Lapaz – Paghirupay (Closeness)
Tribu Lapuz – Pag-intindihanay (Understanding)
Ang kada tribu ginabug-usan sang 20 ka performers, 15 musicians kag 11 ka staffs.
Antes ang tribes’ competition, may hiwatonm nga concelebrated mass las 7 sa aga sa San Jose Parish de Placer.
Ang Dinagyang 2022 may tema nga “Padayon Iloilo upod kay Senior Sto. NiƱo.”