May 28, 2022

Tribu La Paz, kampeon sa Tribes Competition sang Dinagyang Digital 2022

Read Time:56 Second

ILOILO CITY – Nagpangibabaw ang performance sang Tribu La Paz sa Tribes Competition sang Dinagyang Digital 2022.

Gindeklarar nga kampeon ang Tribu La Paz matapos ang judging sa ila live performance kag filmed performance. Disyembre, 2021 sang gin-judge ang live performance sang mga tribu.

Nakuha sang Tribu La Paz ang P100,000 nga cash prize.

Ginhakot man sang Tribu La Paz ang mga technical kag special awards.

Sa technical awards nga may tag-P10,000 cash prize, nadaugan sang La Paz ang Best in Live Performance, Best in Filmed Performance, Best in Choreography, Best in Music kag Best in Costume Design and Headdress.

Samtang sa special awards, nakuha sang La Paz ang Best Videographer, Best Costume Designer, Best Production Designer, Best Musical Director kag Best Choreographer.

Ang Tribu Molo naman ang nakakuha sang Best Discipline.

Ang kada special award ang may P5,000 cash prize.

Samtang, ginkilala nga first runner-up ang Tribu Lapuz nga may P75,000 nga premyo, second runner-up ang Tribu Molo nga may P50,000 nga premyo kag third runner-up ang Tribu Jaro nga may P35,000 nga premyo.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post 7 ka tribu, mapasundayag sa highlight sang Iloilo Dinagyang Digital 2022 subong nga adlaw
Next post Biyahe sa Iloilo Fastcraft Terminal, nagbalik na suno sa Coast Guard