May 28, 2022

Biyahe sa Iloilo Fastcraft Terminal, nagbalik na suno sa Coast Guard

Read Time:1 Minute, 0 Second

ILOILO CITY – Nagbalik na ang byahe sa Iloilo Fastcraft Terminal. Ini suno kay Commander Edison Diaz, commander sang Coast Guard Station Iloilo.

Nag-resume suno sa iya ang biyahe halin Iloilo City pa-Bacolod City and vice versa matapos nagpagguwa sang executive order sanday Iloilo City Mayor Jerry Treñas kag Bacolod City Mayor Evelio Leonardia nga nagadula sang requirement nga negative RT-PCR test sa mga nagapakadto-pabalik sa duha ka syudad.

Gina-require lang ang mga travelers nga magpresentar sang ila vaccination card nga nagapamatuod nga fully vaccinated sila, kag valid ID.

Gin-athag man sa EO sang duha ka alkalde nga gina-require gihapon ang negative RT-PCR test result nga ginkuha 72 oras antes ang schedule sang byahe para sa unvaccinated ukon partially vaccinated individuals nga magabyahe.

Sa subong, ang Weesam Express pa lang nga fast craft ang may biyahe.

Yari ang schedule sang byahe Iloilo City-Bacolod City (vice versa) sang Weesam:

HALIN SA ILOILO CITY

11:30AM

2:50PM

HALIN SA BACOLOD CITY

6:30AM

2:50PM

70% sang passenger capacity ang ipatuman sang fast craft kag hugot man nga ipatuman ang mga health kag safety protocols batuk sa COVID-19. –via Jil Caceres

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Tribu La Paz, kampeon sa Tribes Competition sang Dinagyang Digital 2022
Next post Subpoena sa Claire Diergos Case, nabaton na sang pamilya Lopez; mga respondents, indi na mag-request sang extension sa pagpasa sang counter-affidavit