May 28, 2022

3 patay sang nakabunggo ang canter truck sa ginasundan nga dump truck sa San Joaquin, Iloilo

Read Time:58 Second

ILOILO – Tatlo ang patay nga sakay sang Canter truck nga nakabunggo sa ginasundan nga dump truck sa Brgy. Lopez Vito, San Joaquin mga las-5:30 kahapon sang hapon, Enero 25, 2022.

Ginkilala ang mga napatay kanday Nomeriano Baroa sang Panay, Capiz nga driver sang Canter; Philip Amores, 43-anyos sang Roxas City, Capiz; kag ang isa pa ka sakay nga si Guilbert Babas.

Pilason naman ang iban pa nga sakay sang Canter nga sanday Erwin Marquez, 28; Lorivel Lial, 38; Arnel Aragon, 39; kag Sandy Punsalan, 38, lunsay mga taga-Capiz.

Suno kay PLT Dionisio Estacio, hepe sang San Joaquin MPS, pareho nga halin sa Antique ang duha ka mga truck kag padulong sa Iloilo City sang natabo ang aksidente.

Base sa police investigation, nagbisyo ang preno sang Canter kabangdanan nga nakabunggo sa ginasundan nga dump truck. Ginpahayag man ni Estacio nga dulhugon ang lugar nga natabuan sang aksidente.

Detained subong sa San Joaquin Police Station ang driver sang dump truck nga si Ricky Ningas, 42-anyos sang Cuartero, Capiz. Ginahulat pa ang pamilya sang mga napatay kun mapasaka sila sang kaso batok sa driver sang dump truck. –via Aksyon Night Patrol

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Subpoena sa Claire Diergos Case, nabaton na sang pamilya Lopez; mga respondents, indi na mag-request sang extension sa pagpasa sang counter-affidavit
Next post Alkalde sang Tapaz, Capiz, ginpanginwala ang alegasyon sang pila ka residente sa Brgy. Gebio-an nga gina-restrict sila bangud indi magpabakuna batok sa COVID-19