May 28, 2022

Alkalde sang Tapaz, Capiz, ginpanginwala ang alegasyon sang pila ka residente sa Brgy. Gebio-an nga gina-restrict sila bangud indi magpabakuna batok sa COVID-19

Read Time:59 Second

CAPIZ – Gintawag ni Tapaz Mayor Roberto Palomar nga kabutigan ang gin-claim ni former SK chairperson Angel Camere sang Brgy. Gebio-an nga wala sila ginapasugtan nga maguwa sa ila compound kag mag-access sa essential goods bangud indi sila magpabakuna batok sa COVID-19.

Suno kay Palomar, ginapasugtan nga makaguwa sa ila balay ang mga residente kun mag-access lang sila sang essential goods kag magbakal sang bulong bisan indi sila bakunado, pero dapat nga may dala sila nga barangay pass.

Apang wala suno kay Palomar ginakilala sang pila ka residente ang naga-isyu sang travel pass nga caretaker sang barangay.

Nagpaathag man siya sa pag-deploy sang Tapaz Security Task Force agud makabulig sa peace and order bangud wala sang nabilin nga mga barangay tanods.

Enero 10, 2022 nagsugod ang pag-issue sang travel pass, kasunod man sang pag-resign sang mga barangay officials bangud unvaccinated pa sila.

Ginpabutyag ni Palomar nga halin pa sang nagligad nga tuig nga ginahaylo niya ang mga barangay officials sang Gebio-an, Tapaz nga magpabakuna batok sa COVID-19.

Pero suno kay Palomar, “matig-a ulo” ang mga barangay officials bangud wala sila nagapati sa bakuna. –via Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post 3 patay sang nakabunggo ang canter truck sa ginasundan nga dump truck sa San Joaquin, Iloilo
Next post Suspek sa pagpang-hold up sa “Lugawan ni Bro” sa Jaro, ginhingadlan sang police