Pavia SB Member Pyt Trimañez, ginaduso gihapon nga mahatagan sang financial assistance ang pamilya sang ginpatay nga si Claire Diergos
ILOILO – Nagapangunsulta pa si Pavia Sangguniang Bayan (SB) Member Pyt Trimañez kun ginapasugtan sang existing government rules nga magahatag sang financial assistance sa pamilya ni Claire Diergos, ang nasapwan sa gin-abandonar nga salakyan sa Brgy. Inangayan, Sta. Barbara sang Oktubre 26, 2021.
Si Diergos ang tumandok sang Guimaras pero naga-estar sa Deca Homes Pavia.
Kun ginapasugtan suno kay Trimañez sa government rules, ginakunsiderar niya ang pagduso sang resolution nga magahatag sang financial assistance sa pamilya Diergos kag sa mga testigo.
“If allowed by existing government rules in granting financial assistance, magadihon kita sang isa ka resolution to consider extending financial assitance to the family of Claire Diergos,” suno kay Trimañez.
Magakonsulta man ang opisyal sa Accounting Office, Budget Office sang banwa kag Commission on Audit kun puwede ang iya ginaduso nga lihok.
Magapakig-angot man siya sa Muncipal Social Welfare and Development Office (MSWDO) sang Pavia kun puwede makahatag sang assistance sa pamilya kun maka-comply sila sang requirements.
Ginahimo niya ang nasambit nga tikang kasunod man sang hingyo ni former Iloilo Police Provincial Office (IPPO) Director Police Colonel Gilbert Gorero sadto nga makapasar sang resolution nga magahatag sang financial assistance sa pamilya kag mga testigo.
