PRC ILOILO, NAGPA-ATHAG KUN DIIN NAGAKADTO ANG SERVICE FEE NGA GINABAYARAN SANG NAGADONAR SANG DUGO

ILOILO – Wala ginabaligya ang dugo sa Philippine Red Cross mga gina-distribute sa ila mga partner hospitals.

Pag-athag ini ni Dr. Catherine Leslie Javellana, Medical Officer III sang PRC Iloilo.

Suno kay Javellana, nagasukot lang sila sang service fee nga ginapasugtan man sang Department of Health base sa ginpaguwa sang DOH nga administrative order.  

“Ang aton gina-emphasize, ang dugo is free. Wala na siya ginabakal. Ang aton processing fee, gakadto ina siya sa mga tests nga gina-obra sa dugo nga ginadonar pareho sang hepatitis B, hepatitis C, HIV, test for syphilis and test for malaria. Dala pa gid ang blood typing determination, asta na dira ang pag-store sa freezer,” suno kay Dr. Javellana.

Nagapadayon naman ang pagbaton sang PRC sa mga luyag magdonar sang dugo sa pihak sang pandemya.

Suno kay Javellana, wala man naga-untat ang pagkinahanglan sang publiko sang dugo.

Ginpasiguro niya nga istrikto nga ginapatuman sang PRC ang minimum health protocols sa mga nakagadto sa ila opisina agud magdonar sang dugo. – via Aksyon Hotline